Ni kwamba mnamo tarehe 30.10. 2024 majira ya saa sita usiku huko Kitongoji cha Mwamashiki Kijiji na Kata ya Bugalama Wilaya ya Geita ambapo mtuhumiwa alimuua Faida Deus Lucas, kwa kumkata na kitu chenye ncha kali sehemu za kichwani utosini, kisogoni na shavu la kushoto baada ya kumkuta marehemu akiwa na mke wa mtuhumiwa ambaye jina tunalihifadhi kwa sababu za kiupelelezi.
Mtuhumiwa Athumani Issa Baseka na mke wake walikuwa na mgogoro wa kifamilia; ndipo mwanamke huyo akaondoka na kwenda nyumbani kwao. Alipofika huko alianzisha mahusiano ya kimapenzi na marehemu Faida Deus Lucas. Upelelezi unakamilishwa mara moja na mtuhumiwa atafikishwa Mahakamani mara baada ya taratibu za kisheria na uchunguzi kukamilishwa.
Jeshi la Polisi linawaasa wananchi kuacha vitendo vya kujichukulia sheria mkononi. Watakaobainika watakamatwa na kuchukuliwa hatua kali za kisheria ikiwa ni pamoja na kufikishwa Mahakamani.
NA MWANDISHI WETU | GEITA