.jpg)
Rais wa Kenya William Ruto amesema "atashiriki" na "kuzungumza" na vijana, ambao wamepinga vikali kuanzishwa kwa ushuru mpya ambao utaongeza zaidi gharama ya maisha.
Vijana hao walifanya maandamano nchini Kenya siku ya Jumanne na Alhamisi, wakitaka kukataliwa kwa Mswada wa Fedha wa 2024, ambao umependekeza ushuru wa eco kwa bidhaa zinazoagizwa kutoka nje, ikiwa ni pamoja na vifaa vya kielektroniki na bidhaa za usafi kama vile taulo za usafi na nepi.
Gharama za pikipiki, matairi na betri pia zitapanda chini ya pendekezo jipya la ushuru wa eco.Ushuru wa Eco unalenga vitu vinavyochangia uharibifu wa mazingira.
Mswada huo pia umependekeza ushuru wa 16% wa ongezeko la thamani (VAT) kwa mapato ya filamu zinazozalishwa nchini.
Awali utawala wa Ruto ulikuwa umependekeza ushuru wa ongezeko la thamani (VAT) wa asilimia 16 kwenye mkate, lakini ukabatilisha uamuzi huo baada ya maandamano makubwa.